پاکستان میں 6 کلو واٹ سولر سسٹم کی پرائس
پاکستان میں 6 کلو واٹ سولر سسٹم کی پرائس
اس آرٹیکل میں ہم چھ کلو واٹ سولر سسٹم کی خصوصیات کو تفصیل سے بیان کریں گے
چھ کلو واٹ سولر سسٹم ان گھروں کے لیے کافی ہوتا ہے جو ماہانہ بجلی کے چھ سو کلو واٹ ہاور تک یونٹس استعمال کرتے ہیں
نیچے چھ کلو واٹ سسٹم کے بارے ميں کسٹمرز کی طرف سے عام طور پر پوچھے گئے سوالات اور ان کے جوابات دیئے گئے ہیں
چھ کلو واٹ اور چھ کے وی اے سولر سسٹم میں کیا فرق ہے؟
چھ کلو واٹ سولر سسٹم اور چھ کے وی اے سولر سسٹم میں بنیادی فرق یہ ہے کہ چھ کلو واٹ سسٹم میں چھ ہزار واٹ ہوتے ہیں اور چھ کےوی اے میں چار ہزار آٹھ سو واٹ ہوتے ہیں۔ نتیجتاً چھ کےوی اے میں سولر پینلز کی تعداد بھی چھ کلو واٹ سسٹم سے کم ہو گی۔ سولر انورٹر بھی کم کپیسٹی کا ہو گا اور چھ کےوی اے کے سولر سسٹم پر چھ کلو واٹ کے مقابلے میں لوڈ بھی کم چلے گا۔
مختلف سولر کمپنیوں کی پرائسز کا موازنہ کرتے وقت کلو واٹ اور کے وی اے کا فرق ذہن میں رکھیں۔ ہمارا مشورہ ہے کہ آپ سولر کمپنی سے سولر سسٹم کی پرائس کلو واٹ کے مطابق لیں اور کے وی اے میں سولر سسٹم کی پرائس نہ لیں۔
چھ کلو واٹ سسٹم میں کتنے واٹ ہوتے ہیں؟
چھ کلو واٹ سسٹم میں 6000 واٹ ہوں گے۔ لیکن جیسا کہ فی الحال ہم چھ کلو واٹ سولر سسٹم میں 540 واٹ کے 12 سولر پینلز استعمال کر رہے ہیں، جو کہ مجموعی طور پر 6,480 (540×12) واٹ بنتے ہیں، لہذا آپ کو ہمارے چھ کلو واٹ سسٹم کے ساتھ 6,000 واٹ سے 480 واٹ زائد ملتے ہیں۔
ہم چھ کلو واٹ سسٹم پر کتنا لوڈ چلا سکتے ہیں؟
سولر سسٹم میں ایفیشینسی لاسز کو مدنظر رکھتے ہوئے جو کہ 20 فیصد تک ہو سکتے آپ 6 کلو واٹ کے سولر سسٹم پر مجموعی طور پر 6,000 سے کم واٹ کا ہی لوڈ چلا سکیں گے۔
آپ چھ کلو واٹ سولر سسٹم پر دن کے وقت لوڈ مینجمنٹ کے ساتھ چھ پنکھے ، دس ایل ای ڈی لائٹس ، ایک ریفریجریٹر ، ایک واٹر پمپ اور ایک استری ،ایک ڈیپ فریزر اور دو 1.5 ٹن کے اے سی چلا سکتے ہیں۔ لیکن ایک وقت میں آپ یہ سارا لوڈ نہیں چلا سکتے ہیں۔
چھ کلو واٹ سولر سسٹم دن میں اور مہینے میں بجلی کے کتنے یونٹ بناتا ہے؟
ایک کلو واٹ سولر سسٹم دن میں بجلی کے چار یونٹ (4 کلو واٹ ہاور) بناتا ہے تو اس طرح چھ کلو واٹ سسٹم ایک دن میں چوبیس کلو واٹ ہاور اور مہینے میں تقریباً 720 یونٹ بنائے گا۔ موسمی اثرات اور سولر سسٹم پاور لاسز کو مدنظر رکھتے ہوئے ہم کہہ سکتے ہیں چھ کلو واٹ سولر سسٹم مہینے میں اوسطا کم از کم چھ سو یونٹ بنائے گا۔
چھ کلو واٹ سولر سسٹم کے لیے کتنی جگہ درکار ہو گی؟
انویریکس کے 540 واٹ کے سولر پینل کی لمبائی 7.4 فٹ اور چوڑائی 3.72 فٹ ہے ۔ پینل کی صفائی کے لئے جگہ کو مدنظر رکھتے ہوئے چھ کلو واٹ سولر سسٹم انسٹال کرنے کے لیے تقریباً 504 سکوائر فٹ کی چھت کافی ہوتی ہے اگر ہم سکوائر میٹر کی بات کریں تو چھ کلو واٹ سولر سسٹم انسٹال کرنے کے لیے47 سکوائر میٹر کا رقبہ کافی ہو گا۔
ہم چھ کلو واٹ سولر سسٹم میں کونسی کمپنی کے پینل استعمال کرتے ہیں؟
ہم اچھی کوالٹی کے سولر پینلز استعمال کرتے ہیں اور بہترین ساکھ کی حامل سولر کمپنیوں کے ہی پینل استعمال کرتے ہیں۔ جیسا کہ لونگی سولر پینل، ٹرینا سولر پینل، جنکو سولر پینل، جے اے سولر پینل، انویریکس سولر پینل وغیرہ وغیرہ۔
ہم چھ کلو واٹ سولر سسٹم میں کس کمپنی کا انورٹر استعمال کرتے ہیں؟
ہم چھ کلو واٹ سسٹم میں گرو واٹ سولر انورٹر، ہواوے سولر انورٹر، انویریکس سولر انورٹر، سولر میکس سولر انورٹر، یا ٹیسلا سولر انورٹر کا استعمال کرتے ہیں۔
چھ کلو واٹ سسٹم میں کتنی سولر بیٹریاں شامل ہیں؟
چھ کلو واٹ سولر سسٹم میں 150 ایمپیئر ہاور کی چار ٹال ٹیوبلر لیڈ ایسڈ بیٹریاں شامل ہوں گی۔ ہم فونکس سولر بیٹری یا ہنڈائی سولر بیٹری کا استعمال کرتے ہیں۔
سولر پینل انسٹال کرنے کے لیے سب سے اچھی جگہ کون سی ہے؟
سولر پینل ایسی جگہ پر ہونے چاہئیں جہاں سارا دن سورج کی شعاعوں کا رخ پینل پر ہو اور وہ بہتر جگہ آپکے گھر کی چھت ہے۔
سولر انورٹر کے لیے بہترین جگہ کون سی ہے؟
سولر انورٹر کو ایسی جگہ پر رکھیں جہاں سورج کی شعاعیں سیدھی نہ پڑ رہی ہوں نہ ہی نمی ہو لیکن ہوادار جگہ ہو۔ کوئی بھی ایسی چیز جس سے آگ لگنے کا خطرہ ہو اسے انورٹر سے دور رکھیں۔
چھ کلو واٹ سسٹم میں کیا کیا شامل ہو گا؟
چھ کلو واٹ ہائبرڈ سولر سسٹم میں 540 واٹ کے 12 سولر پینل، ایک چھ کلو واٹ کا سولر انورٹر، ایک سو پچاس ایمپیئر ہاور کی چار سولر بیٹریاں، سولر مونٹنگ سٹرکچر، اے سے اور ڈسی تاریں اور مکمل سولر انسٹالیشن شامل ہو گی۔
چھ کلو واٹ ہائبرڈ سولر سسٹم کی قیمت کیا ہے؟
چھ کلو واٹ ہائبرڈ سولر سسٹم کی بیٹری کے ساتھ قیمت 1,227,000 روپے ہے۔
چھ کلو واٹ آن گرڈ سولر سسٹم کی قیمت 907,000 روپے ہے جس میں بیٹری شامل نہیں ہو گی
کیا چھ کلو واٹ سولر سسٹم پر نیٹ میٹرنگ کرنی چاہیے؟
اگر آپ سولر سسٹم سے زیادہ سے زیادہ فائدہ اٹھانا چاہتے ہیں اور اپنا بجلی کا بل زیرو کرنا چاہتے ہیں تو آپ ہماری نیٹ میٹرنگ کی خدمات حاصل کر سکتے ہیں۔
نیٹ میٹرنگ کے لیے 200,000 روپے اضافی چارجز ہوں گے۔ (اس میں واپڈا میٹر، ڈیمانڈ نوٹس شامل نہیں ہے)
ہمارے دفاتر کی لوکیش اور ہماری پروڈکٹس کے بارے میں مزید معلومات کے لیے رابطہ کرنے کیلئے یہاں کلک کریں۔
